Como algunha familia nos preguntou pola celebración do samaín queremos informarvos de como poderán vir os nenos o día 30 DE OUTUBRO.
Poden vir disfrazados, pero,OLLO, non con complementos que ocupen espazos ou sexan moi "aparatosos"; é dicir, poden vir con disfraces pero NON con: vasoiras, sombreiros grandes, tridentes, máscaras ou antifaces, perrucas incómodas, etc... Tede en conta que xa coa mascarilla teñen bastante e sería agobiante ter un antiface, gorro, sombreiro, etc,... O ideal sería un disfrace e un pouco de maquillaxe se queredes na zona dos ollos ou fronte (por dar algunha idea sinxela).
Repetimos, tede en conta que estarán máis de 5 horas co que traian posto. Seguro que veñen igual de guapos e contentos sen vir moi sobrecargados e incómodos.
Ese mesmo día se queren poden traer unha merenda (parva de media mañá) típica desta data pero tede en conta que é unha merenda individual e non para compartir. É algo totalmente voluntario. Ideas: galletas en forma de cabaza, un anaquiño dun bizcoito de cabaza, magdalenas en forma de araña, etc. Seguramente ese mesmo día no forno do comedor nos asarán unhas castañas para comer tamén dentro da aula. Tanto o disfrace como a merenda especial son totalmente voluntarios.
Se tedes algunha dúbida xa nos comentades nas axendas ou nos correos.
Nos vindeiros días recibiredes a través dos vosos fillos e fillas unhas instruccións para acceder á Aula Virtual do centro. Nas mesmas inclúese como acceder á Aula Virtual e o nome de usuario e contrasinal de cada alumno/a.
Seguiremos publicando desde este blog pero, no caso de que fose preciso, poderíamos publicar tamén na Aula Virtual. De momento seguide este blog e, no caso de publicar algo na Aula Virtual, xa volo comunicaremos.
Aínda que de momento non usemos a Aula Virtual, cando recibades o usuario e contrasinal intentade entrar para confirmar que todo funciona. Así, no caso de ter que utilizala, xa saberiades como entrar e consultar información nela.
Queremos recordarvos, tal como se vos comunicou a través dunha nota, que revisedes con frecuencia as cabezas dos nenos e nenas xa que se detectaron casos de pediculose (piollos).
Enviamos a través dos nenos e nenas a ENQUISA DE AUTOAVALIACIÓN CLÍNICA DO COVID-19 para que a teñades na casa e saibades cales son os síntomas que debedes vixiar nos vosos fillos e fillas.
NON a hai que traer ao cole cuberta. Queda na casa para que a teñades á man. Fixádevos que vos di que "de presentar calquera dos síntomas que se relatan no anexo, hai que solicitar consulta no centro de saúde".
Os que teñen na casa a carpeta de gomas que levaron o curso pasado no mes de marzo para a casa coas fichas que lles enviei para traballar os primeiros días da cuarentena, que a traian por favor. (A carpeta soa).
MASCARILLAS (CUBREBOCAS OU TAPABOCAS): Olvidámonos poñer no listado de material as mascarillas. Imaxino que xa o sabedes polos comunicados nos medios de comunicación pero recordámosvolo:
Teñen que vir cunha mascarilla posta e outra de reposto na mochila.
A que veña de reposto xa decidides onde a traen (nunha caixiña de plástico, bolsiña de tea,...). Como é de roposto e está sen usar, igual non é relevante o material do recipiente no que veña.
A que traian posta, tede en conta que a sacarán para comer a media mañá e algúns no xantar. Sería convinte que traian unha bolsa de tea ou sobreciño de papel para gardala mentras comen. Dicimos de tea ou papel porque é o que recomendan, non é que nos o queiramos así. O que queremos evitar é que a poñan enriba da mesa mentras comen porque van caer ao chan e non é hixiénico tampouco.
Na aula teremos xabón e xel hidroalcólico e desinfectaremos mans e superficies con eles. Se preferides que teñan cada un o seu na bolsa da merenda ou no estoxo da clase, deixámolo á vosa elección. Repetimos, temos na aula.
MARCADO DE MATERIAL: debido á situación que nos toca vivir, sería convinte marcar as cores e rotuladores un por un por se caen ao chan identificar rápidamente ao seu dono/a. (Na parte de arriba de todo da cor ou rotulador un papeliño ou pegatina co nome e unha voltiña de celo por riba ou de calquera outra forma que se vos ocurra).
Para calquera dúbida, xa sabedes, correos electrónicos ou o luns na reunión.
·2 carpetas de cartón tamaño folio
con gomas (SÓ para o ALUMNADO DE 2º B e
ALUMNADO NOVO. O alumnado de 2º A xa as ten na aula)
·Unhas tesoiras de punta roma
·1 estoxo grande de cremalleira
·1 regra de 20 cm
·1 axenda escolar
·1 arquivador sinxelo tamaño folio de
dous aneis (SÓ PARA O ALUMNADO NOVO,
en caso de non telo xa)
·1 libreta pequena de dobre pauta
ancha sen espirais de 3,5 (SÓ PARA O
ALUMNADO NOVO, en caso de non tela xa)
-
Prégase que o material veña MARCADO co nome do alumno/a.
-En
Matemáticas, Lingua Galega e Lingua Castelá deberán traer só os libros do 1º
trimestre CO NOME DO ALUMNO/A XA POSTO.
-Poderán
aproveitar o material do curso anterior que estea en bo estado (cores,
rotuladores...).
O DÍA DA REUNIÓN XA PODEDES APROVEITAR PARA TRAER O MATERIAL (LEMBRADE QUE TEN QUE VIR MARCADO CO NOME DO ALUMNADO).
ACLARACIÓN: o alumnado de 2º A xa ten as dúas carpetas na aula porque quedaron do curso pasado. O alumnado de 2º B levounas para a casa e só as ten que volver a traer.
O alumnado de nova incoporación debe traer todo (as dúas carpetas, o arquivador e a libreta ademáis do resto do material).
Para calquera dúbida, podedes enviarnos un correo electrónico. vsanmartin@edu.xunta.es Vanesa (2º A). mccainzos@edu.xunta.es Mari (2º B)
Como ben sabedes, os centros teñen que adaptarse ás normas publicadas no último protocolo da Xunta coas medidas que debemos adoptar. Como hai moitos cambios e seguro que queredes saber como vai ser o inicio do curso, estamos ultimando detalles para poder facer unha reunión con vós antes do día 10 de setembro. Non está sendo nada sinxelo poder adaptar os espazos e os tempos así como as rutinas unha vez dentro do centro e da aula. Por iso, de momento, aínda non podemos darvos unha data concreta para esa reunión pero contade que será para a semana que vén. Estade atentos ao blog (aínda que tamén se enviará información desde o centro). Tamén publicaremos o listado de material para que os que poidades o traiades o día da reunión (así cando empecen os nenos/as xa teremos a clase mínimamente ordenada).
Resumo: reunión a vindeira semana (data e hora por concretar).
Listado de material que publiaremos no blog e na web do centro.
MOITOS BICOS E APERTAS PARA OS NENOS E NENAS DE 2º DE EP, MARI E VANESA.
O curso chega ao seu fin. Queremos transmitirvos o orgullosas que estamos de vós polo traballo tan ben feito estes últimos meses. Sen dúbida foi un curso no que todos aprendemos moito, nós incluidas.
- DIPLOMAS FIN DE CURSO:
Deixámosvos dous modelos de diploma por se alguén os quere imprimir e mesmo enmarcar como recordo do ben que traballastes todo o curso. Se pinchades nas imaxes, tedes acceso aos diplomas en formato PDF.
- RECOMENDACIÓNS DE VERÁN:
Como algunhas familias preguntades por algún traballiño para repasar durante o verán, a continuación deixámosvos algunha idea. O feito de que nós propoñamos estas suxerencias non quere dicir que isto se teña que convertir en algo obrigatorio, senón VOLUNTARIO para os que así o pedistes.
- Podedes rematar os libros de primeiro. Se todo vai ben, comezaremos o curso en setembro repasando todos os contidos de primeiro que nos permitan partir dunha boa base para avanzar cos contidos de segundo. Así que non hai necesidade de que pasen todo o verán traballando. Sede moi flexibles xa que están cansos e necesitan sair ao aire libre, disfrutar dos amigos, da familia,...
- Algunhas familias pedides recomendación dalgún cuadernillo de repaso. Nós non temos preferencia por ningún en concreto. Hai moitas editoriais que teñen cuadernillos de repaso. Tede en conta que debe de ser de repaso de primeiro. Se decidides mercar algún, sería convinte que o elixan eles/as.
- Os que non optedes por cuadernillo de repaso nin por rematar os libros de primeiro, tede en conta as recomendacións que arriba se indican: ler, escribir (ex: un diario, describir lugares que visiten,...), falar e contar as súas vivencias, de maneira oral ou escrita poden repasar a numeración traballada (do 0 ao 99), algunha suma ou resta de vez en cando,... Sempre sen cansalos e tendo en conta que nas vacacións precisan descansar e disfrutar de tempo libre.
- SEGUIMOS RECIBINDO FOTOFRAFÍAS DE DESPEDIDA DO CURSO. CANDO TEÑAMOS MÁIS XA AS PUBLICAMOS. GRAZAS!!!
- COMUNICÁRONNOS QUE OS LIBROS QUE TEÑADES NA CASA DA BIBLIOTECA DO CENTRO E/OU AS MOCHILAS VIAXEIRAS VIRÁN DE VOLTA EN SETEMBRO. POÑÉDEOS A BO RECAUDO PARA SABER ONDE LOCALIZALOS DESPOIS DE QUE PASE TANTO TEMPO. GRAZAS.
- RESULTADOS DA ENQUISA ÁS FAMILIAS:
Antes de nada dicirvos que todas as propostas que vos fixemos ao longo destes últimos meses, foron feitas coa intención de darlle certa continuidade ao curso. En ningún momento quixemos saturarvos coas tarefas escolares pero desde marzo a xuño faltaban moitas semanas para rematar o curso. Vendo algunhas das respostas da enquisa pensamos que non estivemos acertadas en todo, ou polo menos non tanto como nos gustaría a nós. Entendemos que para vós é máis doado responder a unha enquisa anónima que facernos algunha recomendación ou suxerencia no blog. Tomamos nota e terémolo en conta á hora de facer a nosa propia autoavaliación.
Podedes ver as respostas na publicación "RESULTADOS DA ENQUISA".
Esta é a última semana do curso e queremos dicirvos que estamos moi orgullosas de vós e do moito que traballastes. Parabéns!
Como ben sabedes, se estiveramos no cole, esta semana sería especial. Sería unha semana de ledicia porque comezan as vacacións de verán, pero tamén de despedidas. A continuación imos propoñervos unha actividade para despedir o curso como se merece.
A idea é que todos e todas vos despidades dos compis e das profes dunha maneira diferente. Ollade!!!
PHOTOCALL PARA DESPEDIR O CURSO:
Que vos parece se facedes un pequeno decorado ou simplemente vos vestides estivais ("veraniegos") para a ocasión e sacades unha foto ben chula para enviárnola? Cando as teñamos, publicarémolas e compartirémolas con todos/as.
Deixámosvos unhas cantas ideas. Non se trata de que lle adiquedes moito tempo, traballo e esforzo a facer un decorado (podedes disfrazarvos con gafas de buceo, aletas, flotadores, toalla de praia, cubo e pá,...) Ollade estas propostas:
DEIXÁMOSVOS TAMÉN ALGUNHAS ACTIVIDADES INTERACTIVAS POR SE ESTA SEMANA VOS APETECE FACER ALGUNHA (NON SON PARA ENVIAR E SON VOLUNTARIAS).
INFORMACIÓN IMPORTANTE: recibiredes as notas en Abalar Móbil o día 23 de xuño.
ESTAMOS ESPERANDO A RECIBIR INDICACIÓNS PARA SABER SE TEDES QUE ACHEGAR AO CENTRO OS LIBROS DA BIBLIOTECA E MOCHILAS VIAXEIRAS. EN CANTO O SAIBAMOS, PUBLICARÉMOLO NO BLOG. MOITOS/AS NOS PREGUNTADES POR ALGUNHA RECOMENDACIÓN DE TAREFAS PARA O VERÁN. ANTES DE NADA, DICIRVOS QUE OS NENOS E NENAS TEÑEN QUE DESCANSAR, XOGAR, SAÍR AO AIRE LIBRE,... DE TODAS FORMAS, PUBLICAREMOS ALGUNHAS PROPOSTAS PARA OS/AS QUE AS ESTADES PEDINDO.
PUBLICAREMOS OS RESULTADOS DA ENQUISA EN CANTO TEÑAMOS MÁIS RESPOSTAS. MOITAS GRAZAS A TODOS/AS.
Queremos propoñervos unha videoconferencia para que os nenos e nenas se poidan despedir deste curso tan "raro" para todos/as.
Recibieredes nos vosos correos unha invitación da titora que teredes que aceptar (os/as que queirades participar, xa que non é obrigatorio). Ao aceptar esa invitación sairavos un número de reunión que será o que teñades que introducir na aplicación o día da reunión.
Explicarémosvos os pasos que tedes que ir dando para conectarvos.
Como o alumnado destas idades non ten autonomía, pensamos que o mellor é facer a reunión o sábado día 13 de xuño ás 12 da mañá para que poidan ter axuda dalgún familiar que lles bote unha man para concectarse.
Empregaremos a plataforma da Xunta: Cisco Webex. Tedes que rexistrarvos nela e o día da reunión entrar e introducir o número de reunión. Entre hoxe, mañá e pasado intentade buscala e rexistrarvos para que o sábado só teñades que acceder. Os que non queirades participar, con non aceptar a invitación xa sería suficiente. PREME AQUÍ PARA VER OS PASOS PARA ACCEDER Á REUNIÓN
Estamos na recta final. Quedan dúas semaniñas para rematar. Tedes forza e ánimo para facer un último esforzo? Seguro que sí. Confiamos moito en vós porque nos estades demostrando que sodes uns campións.
Esta semana será a última que publiquemos unha programación semanal para traballar nos libros. Tal como nos están dicindo algunhas familias, os nenos/as xa van cansos (xa no cole nestas datas tamén estarían cansos). Por iso deixaremos a semana do 15 ao 19 de xuño para que os que levan un pouco de retraso se poidan poñer ao día e poidan enviar o traballo que teñan pendente destas últimas semanas. O traballo que propoñemos a continuación será o último que nos teñades que enviar.
De todas formas, seguiremos publicando no blog outro tipo de actividades de cara a ir cerrando o curso. Así que o vindeiro domingo non contedes cunha proposta de traballo nos libros, senón con algún curto e actividades interactivas voluntarias.
Se tedes dúbidas, estamos dispoñibles nos nosos correos. Desexamos non estar interrumpindo moito a vosa vida familiar e laboral, xa que sabemos que moitos/as vos estades reincorporando aos traballos e outros moitos o estivestes facendo desde o principio. UN BICO VIRTUAL PARA TODOS/AS. MARI E VANESA.💕
VALORES: Ides coñecer a historia dun canciño chamado Joy e unha garza chamada Herón. É unha historia que trata de facernos ver o valor da empatía e a amabilidade. É moi importante que cando nos relacionemos con outras persoas sexamos capaces de comprendelas e de poñernos no seu lugar.
Cando remate o vídeo, colle lapis e papel e intenta contestar a estas preguntiñas. Non fai falta que copies as preguntas, con poñer o número da pregunta coa súa resposta xa chega.
Están en castelán porque xa sabedes que Valores é unha materia na que traballamos nesa lingua.
1.- ¿A dónde van el señor y su perro?
2.- ¿Por qué le ladraba el perro a la garza?
3.- ¿Para qué quería la garza los gusanos de la pesca?
4.- ¿Qué hizo Joy cuando "comprendió" lo que pasaba?
5.- ¿Cómo agradece la garza lo que hizo Joy?
Si quieres haz un dibujo de Joy y Herón.
XOGOS TRADICIONAIS: As semanas pasadas tivestes algunha proposta dalgún experimento e manualidades. Esta semana propoñémosvos uns "xogos de mesa tradicionais". Na casa, os maiores, seguro que os coñecen todos.
A continuación deixámosvos unha plantilla para xogar a estes tres xogos tan divertidos. Hai moitas formas de facer os taboleiros para xogar. Se vos animades a aprender a xogar a algún deles e mesmo a construir algún taboleiro de xogo ou xogar con alguén na casa, podedes mandarnos unha imaxe e compartirémola cos compis.
ACTIVIDADES INTERACTIVAS: As semanas anteriores fixestes algunha ficha interactiva de lectoescritura e matemáticas. Esta semana imos darlle paso a un pequeno repasiño das áreas de Ciencias Sociais e Ciencias Naturais.
Xa sabedes que son voluntarias. Podedes autocorrexilas na mesma páxina onde facedes a ficha. Non premades en enviar á profe porque non estamos habilitadas para ver as vosas respostas.
