SEMANA DO 25 AO 29 DE MAIO

        Ola "PEQUENOS CRUZDOSARISTAS":

     O tempo pasa voando e aquí estamos de novo... Desexamos que todos e todas estedes ben. Agradecemos moito as mostras dos traballos que nos estades enviando. Permítennos facer un seguemento dos nenos e nenas así como facervos pequenas recomendacións ao respecto.

Se tedes algunha dúbida, suxerencia ou recomendación poñédevos en contacto con nós a través dos nosos correos.

PREME AQUÍ PARA IMPRIMIR A PLANIFICACIÓN

- REPASO "CA, QUE, QUI, CO, CU": esta semana (o xoves) toca repasar "ca, que, qui, co, cu" e para recordar o que tiñamos traballado na clase, deixámosvos o "SWING DO CA, QUE, QUI,CO, CU" que vos axuda moito a recordar como se escriben. Seguro que todos/as vos acordades!!!

- Para coñecer ben as moedas e os billetes recordade que na caixiña de matemáticas na que veñen os libros, tedes unhas moedas e billetes troquelados que podedes coller para facer os exercicios do euro dun xeito máis manipulativo. Recordade despois gardalos ben nun sobreciño ou nun moedeiro que teñades pola casa.

- VALORES. Esta semana propoñémosvos dúas actividades:

     *Ás veces facémoslles bromas aos demáis e a nós fannos moita gracia pero...que pasa se só nos fan graza a nós e realmente molestamos aos demáis? Mirade o que lle pasou ao Elefante Bernardo. Se ao final queres enviarnos unha foto dun debuxo do conto, compartirémola no blog e poderana ver os compis.

    *SOPA DE LETRAS DAS EMOCIÓNS.  PREME NA IMAXE.

- EXPERIMENTO: as semanas pasadas propuxémosvos algunha manualidade e moitos vos animastes a facelas e ata nos enviastes fotos para compartir cos compis. Esta semana propoñémosvos un experimento. Se sacades algunha foto e queredes compartila, envíadea aos nosos correos.

                          Ao final do vídeo tedes a explicación de por que o papel non se molla.


 - RECADIÑO DO MESTRE DE RELIXIÓN: consultade na Aula Virtual o apartado de Relixión xa que ten unhas tarefas propostas para facer de aquí a finais de curso. Para o alumnado de primeiro, en concreto, pide que lle vaiades enviando unha pequena mostra das páxinas que ides adiantando ao longo das semanas.

- ACTIVIDADES INTERACTIVAS: a semana pasada puxémosvos unhas actividades interactivas para repasar as letras que xa coñecemos. Esta semana serán de matemáticas. Son moi sinxeliñas. Ánimo! Xa sabedes, premede nas imaxes. ACTIVIDADES VOLUNTARIAS.